Жаҳон чемпионати «Олтин тўп»ни ким олиши маълум

Жума куни, 17 июнда, ФИФА техник қўмитаси йиғилиши бўлиб ўтди. Унда 2026 йилги жаҳон чемпионати якунлари бўйича тақдим этиладиган совринлар масаласи кўриб чиқилди. Маълумки, мусобақа 19 июлда якунланади.

The Touchline манбасининг хабар беришича, мусобақанинг энг нуфузли совринларидан бири – «Олтин тўп» 39 ёшли аргентиналик ҳужумчи Лионель Мессига топширилиши режалаштирилган. 

Манбага кўра, бу қарор келаётган финал учрашуви натижасидан қатъи назар амалга оширилади.

Месси жаҳон чемпионати давомида саккизта гол урди ва тўртта голли узатма берди. Унинг ўйини Аргентина терма жамоасининг финалгача етиб келишида ҳал қилувчи омиллардан бири бўлди.

Жаҳон чемпионати финалида бугун, 19 июл куни Испания ва Аргентина терма жамоалари тўқнаш келади. Учрашув бошланиши Тошкент вақти билан соат 23:59га белгиланган.