Жаҳон чемпионати Олтин тўп ғолибини аниқлашда қанчалик таъсир ўтказади?

Футбол оламида энг юқори даражадаги индивидуал соврин Олтин тўп ҳисобланади. Ушбу совринни мавсум давомида энг юқори даражада ҳаракат қилган, индивидуал ва жамоавий совринларни энг кўп ютган футболчи қўлга киритади.

Жорий мавсумда кўплаб футболчилар ўзининг юқори классдаги ўйинини кўрсатиб келмоқда. Ламин Ямал, Харри Кейн, Эрлинг Холанд, Килиан Мбаппе Майкл Олисе ва яна бир нечта футболчиларни санаш мумкин. Жорий йилда жаҳон чемпионати баҳслари бўлиб ўтишини инобатга олсак, катта эҳтимол билан мундиал ғолиблигини қўлга киритган терма жамоа футболчисида Олтин тўпни ютиш имкониятлари баланд бўлади. Бу тарафдан олиб қаралса, Эрлинг Холандда имконият энг кам десак бўлади. Чунки Норвегия терма жамоасининг мундиалда ғалаба қозониш имконияти деярли иложсиз. Килиан Мбаппе эса терма жамоаси сафида бошқача футболчига айланади ва мундиалда унинг ҳам имконият даражаси юқори. Бироқ Франция турнирда ғолиб бўлса-ю, "Бавария" клуби Европа Чемпионлар лигасида зафар қучадиган бўлса, тарозининг палласи Майкл Олисе томонга оғиб кетади. Амалдаги Европа чемпиони Испания терма жамоаси жаҳон чемпионатида ҳам фурор кўтарадиган бўлса, Ямал катта саҳнага чиқиши ҳам мумкин. Бундан ташқари, мундиалларда доим ҳам муваффақиятли иштирок этмаётган Англия терма жамоаси чемпионликни қўлга киритса, у ҳолда Харри Кейн Олтин тўп учун асосий даъвогарга айланади. Танганинг яна бир томони бор, агар Португалия жаҳон чемпионатини, ПСЖ эса Европа Чемпионлар лигасини ютадиган бўлса, Витинья ва Жоао Невешнинг имкониятлари ошиб кетади. Ҳа, айтган амалдаги Олтин тўп соҳиби Усмон Дембелени ҳам четда қолдирмаслигимиз керак. 

Қисқаси, бўлажак мундиал бу саволларнинг барчасига ечим топиб беради. Жаҳон чемпионати баҳсларига 11-июнь куни старт берилади.