Жалолиддин Машарипов терма жамоа билан бирга!

Ўзбекистон миллий терма жамоаси аъзоси Жалолиддин Машарипов жароҳати сабаб Жаҳон чемпионати қайдномасидан чиқарилиши мумкинлиги ҳақида хабарлар тарқалган эди. Маълум бўлишича, футболчининг бел қисмида муаммо бор.

Шунга қарамай, Машарипов айни вақтда АҚШда жамоа билан бирга бўлиб турибди. У терма жамоанинг расмий фотосессиясида ҳам иштирок этмоқда ва анъанавий 10-рақамли либосда суратга тушди.

Бу ҳақда таниқли шарҳловчи Даврон Файзиев ўзининг Telegram саҳифаси орқали маълум қилди.

Маълумот учун, "оқ бўрилар" "ЖЧ-2026" гуруҳ босқичидаги илк учрашувини Колумбия терма жамоасига қарши ўтказади. Баҳс 18 июнь куни Тошкент вақти билан соат 07:00 да старт олади.