Жамоасини ЕЧЛ финалига олиб чиққан мураббий клубдан кетиши мумкин

Италиянинг нуфузли "Football-Italia.net" журналисти Лоренсо Беттони интернет нашри учун махсус равишда Симоне Индзагининг "Интер" клубидан кетиши мумкинлиги ҳақидаги тафсилотларни маълум қилди.

"Клуб у билан ҳамкорликни давом эттирмоқчи, бироқ менимча, у аллақачон кетишга қарор қилган. У яқин кунларда раҳбарият билан учрашиб, келажакни муҳокама қилади, аммо шу билан бирга, унинг "Ал-Ҳилол"дан қабул қилишни истаётган катта таклифи бор," - деди Лоренсо.

Эслатиб ўтамиз, яқинда "Интер" УЕФА Чемпионлар Лигаси финалида Франциянинг ПСЖ клубига (0:5) ҳисобида йирик мағлубиятга учради. Италия чемпионатида эса жамоа иккинчи ўринни эгаллади.