Жамшид Тагиев муҳим жангда ғалаба қозонди!

Куни кеча Таиланднинг Бангкок шаҳрида профессионал муайтай кечаси бўлиб ўтди. Унда ҳамюртимиз Жамшид Тагиев навбатдаги жангини ўтказди. У мезбонлар вакилига қарши рингга кўтарилди. Шиддатли ва муросасиз кечган жангда Тагиев ҳакамларнинг якдил қарорига кўра ғалаба қозонди. Жамшид Тагиев профессионал муайтайда ҳам тобора кўзга ташланиб бормоқда. У ҳаваскор йўналишда ҳам салмоқли натижалар қайд этган. Жумладан, кўплаб халқаро турнир ғолиби ва совриндори бўлган. Айниқса 2011 йил Тошкентда бўлиб ўтган турнирда Осиё интерконтинентал чемпионлик камарини ҳам қўлга киритган эди. Юртдошимизни ушбу муҳим ғалаба билан табриклаб қоламиз.