Жанубий Кореядан ҳушхабар

Хабарингиз бор, бугун Жанубий Кореянинг Сеул шаҳрида ҳамюртларимиз Абдурасул Исмоилов ҳамда Шоҳрух Ашуровлар навбатдаги рейтинг жангларини ўтказишди. Бобур Нажмиддинов, Набижон Исмонов ҳамда Зуфар Сулаймонов шогирдлари рақибларига хеч қандай имконият қолдиришмади.

6 раундлик жангларда Абдурасул Исмоилов хитойлик Кунг Вангни катта устунлик билан мағлуб этган бўлса, Шоҳрух Ашуров россиялик Михаил Лесников устидан  яққол устунлик билан ғалаба қозонди. Шундай қилиб, Абдурасул профи боксдаги олтинчи жангини ўтказиб, буларнинг барчасида ғалаба қозонди ва ўзининг мағлубиятсиз сериясини давом эттирмоқда. Шоҳрух Ашуров эса, учинчи жангидаги иккинчи ғалабасини қўлга киритди.