Жастин Гэтжи ва Илия Топурия ўзаро жанг қиладими?
Енгил вазнда UFC чемпиони Илия Топурия ҳақида тарқалган маълумотлар ёлғон экани очиқланди. Унинг менежери Лукаш Орзел барча хабарларни рад этди.
“UFC 322 доирасида Жастин Гэтжига қарши жанг ҳақидаги гаплар — тўлиқ ёлғон. Кимдир сохта аккаунт орқали менинг номимдан сохта сурат чиқариб, кейин уни ўчириб юборган. Бироқ баъзи ОАВлари текширмасдан бу хабарни тарқатиб юборди. Илия ҳозир ҳатто машғулот лагерида ҳам эмас. Чунки унда жанг учун ҳеч қандай таклиф йўқ”, — деди Орзел.
Маълумот учун, Илия "UFC 317" турнирида бразилиялик Чарльз Оливейрани 1-раунддаёқ нокаутга учратди.
Фикрлар