ЖЧ-2020. Россия, АҚШ ва Финляндия бир гуруҳдан жой олди

Халқаро хоккей федерацияси расмий сайти 2020 йилги Жаҳон чемпионатининг гуруҳ босқичида ўзаро дуч келадиган жамоалар номини маълум қилди. Эътиборлиси мусобақанинг "В" гуруҳи ўйинлари жуда қизиқарли тус оладиган бўлди.

Боиси, бу гуруҳдан мезбон Швейцария, амалдаги Жаҳон чемпиони Финляндия, шунингдек, АҚШ, Россия, Латвия, Норвегия, Италия ва Қозоғистон терма жамоалари ўрин олишди. Учрашувлар Цюрихда ўтиши режалашитирилган.

"А" гуруҳида эса Канада, Швеция, Чехия, Германия, Словакия, Дания, Беларусь ва Буюк Британия терма жамоалари плей-офф босқичи учун ўзаро кураш олиб борадилар.