ЖЧ саралаши. Бугун Саудия Арабистони навбатдаги ўйинини ўтказади

2022 йил Қатар яшил майдонларида бўлиб ўтадиган Жаҳон Чемпионати учун саралаш босқичи доирасидаги ўйинлар давом эттирилмоқда.

Бугун Ўзбекистон миллий терма жамоаси ўрин олган "D" гуруҳида навбатдаги тур учрашувлари бўлиб ўтади. Улардан бирида гуруҳ пешқадами Саудия Арабистони ўртамиёна Сингапурга қарши майдонга тушади. Ўйин Тошкент вақти билан 23:00 да старт олиши режалаштирилган.

Мазкур ўйин олдидан "саҳро лочинлари" 14 очко тўплаган ҳолда, 1-ўринни эгаллаб турган бўлса, сингапурликлар 7 билан турнир жадвалида 4-ўринни эгаллаб турибди. Эслатиб ўтамиз, Саудия устидан қозониладиган ғалаба Сингапурни 3-ўринга олиб чиқиши мумкин. Ўз навбатида, бу ҳисоб Ўзбекистон терма жамоаси учун ҳам қониқарли ҳисобланади.