"Женоа" бугун "Рома" билан ўйнайди. Элдор Шомуродовчи?

Бугун Италия А Серияси 7-туридан ўрин олган учрашувлар бўлиб ўтади. Улар орасида биз учун аҳамиятлиси "Женоа" ўз уйида "Рома"ни қабул қиладиган баҳсдир. Беллашув Тошкент вақти билан 19:00да бошланади.

Римликлар айни пайтда турнир жадвалида 11 очко билан 8-ўринда бормоқда. Элдор Шомуродов жамоаси эса, 5 очко жамғарган ҳолда 17-поғонани банд этган.

Бу беллашув икки жамоа учун муҳим ҳисобланади. Чунки "Рома" ғалаба қозонса, анча юқорилайди. "Женоа" эса аҳволини бироз бўлса ҳам яхшилаши мумкин. Шу боис учрашув анча қизиқарли ўтиши кутилмоқда.

"Женоа"нинг "Рома"га қарши ўйин учун қайдномаси эълон қилинди (Фото)

Мезбонлар устози Роландо Маран римликларга қарши баҳс учун қайдномани эълон қилди. Ўйинга 24 футболчи жалб қилинди. Бироқ ҳамюртимиз рўйхатга киритилмаган. Аввалроқ, унда жароҳат борлиги айтилганди. Шу боис ҳужумчимиз ўтган турни ҳам ўтказиб юборганди.