Жезуш: Роналдудан узр сўраш ниятим йўқ!

Португалия терма жамоаси бош мураббийи Жорже Жезуш Криштиану Роналду билан юзага келган вазият бўйича ўзини айбдор деб ҳисобламаслигини маълум қилди.

Эслатиб ўтамиз, можаро сентябрь ойи охирида бошланган эди. Норвегияга қарши сафар ўйинида 41 ёшли юлдуз захирада қолди: Жезуш унга қизишни буюрган, аммо майдонга туширмаган. 

Шу воқеадан сўнг Роналду терма жамоа қароргоҳини тарк этди. Унинг фикрича, мураббийнинг оммавий баёнотлари ҳурматсизлик сифатида қабул қилинган.

- Мен узр сўраш ниятида эмасман. Муаммо шундан келиб чиқдики, ўйинчи қизиди, лекин майдонга тушмади. Бу қарор учун ҳам, кейин бўлган барча нарса учун ҳам жавобгарликни ўз зиммамга оламан. 

Лекин узр сўрашим керакми? Нима учун? Кимдан? Бу тўғри бўлмайди. Нима шунчалик содир бўлдики, мендан узр сўраш талаб этиляпти? – деди Жезуш. 

Шу билан бирга, мутахассис аввалроқ ноябрь ойидаги йиғинга Роналдуни яна чақиришга тайёрлигини, фақат футболчининг ўзи қайтишга рози бўлиши кераклигини таъкидлаган эди.