Жиру яна АПЛга қайтиши мумкин. Фақат...

Франциялик ҳужумчи Оливье Жиру “Милан”ни тарк этиб, ўзи учун қадрдон бўлган Англия Премьер-лигасига қайтиши мумкин.

Оливье ҳозирча “россонерилар” билан амалдаги шартномасини узайтиргани йўқ. The Sun нашрининг хабар беришича, 36 ёшли франциялик форварднинг хизматларига бир қанча клублар қизиқиш билдириши мумкин. Булар “Вест Хэм”, “Фулхэм”, “Кристал Пэлас” ва “Брентфорд”. Ушбу жамоаларни гигантлар қаторига киритиб бўлмайди, аммо Жирунинг ёши энди “Арсенал” ёки ҳеч бўлмаганда “Тоттенхэм” каби клубларда ўйнашга имкон бермайди.

Маълумот учун, Жиру жорий мавсум А Серияда 21 та ўйинда майдонга тушди ва 7 та гол ҳамда 4 та голли узатмага муаллифлик қилди.