Жиззахда велоспортчилар тақдирланди

Ўзбекистон велосипед спорти федерацияси томонидан миллий терма жамоа аъзоларини 2020 йилда Токио (Япония) шаҳрида бўлиб ўтадиган ёзги Олимпия ўйинларига тайёргарлик ишларини жадал олиб бормоқда.

Федерациянинг 2019 йил календарь режасига мувофиқ Жиззах вилоятида  Жиззах-Зомин йўналиши бўйлаб эркаклар ва аёллар ўртасида велоспорт бўйича Ўзбекистон чемпионати ҳамда 2001-2002, 2003-2004, 2005-2006 йилларда туғилган ўғил болалар ва қизлар ўртасида "Федерация кубоги" мусобақаcи якунланди.

Мусобақанинг тантанали ёпилиш маросимида ғолиб ва совриндорлар федерация мутассадилари, Жиззах вилояти хокимлиги, Жиззах вилояти жисмоний тарбия ва спорт бошқармаси, томонидан муносиб тақдирланди.