Жоан Лапорта: "Барса"да ҳамма охиригача курашади. Ғалаба қозонишимиз ҳам, ютқазишимиз ҳам мумкин. Лекин асло таслим бўлмаймиз!"

"Барселона" президенти Жоан Лапорта клуб мухлисларига мурожаат билан чиқди. Бугун унинг жамоа президентлигига қайтганига 3 йил бўлди. 

"Келгуси йилга мўлжалланган, пухта ишлаб чиқилган стратегик режадаги вазифалар клубнинг иқтисодий тикланишини якунлаш ва жаҳон футболида етакчиликка қайтишни тезлаштиришга қаратилган. 

Ноябрь ойида нишонланадиган 125 йиллик юбилейга оз вақт қолди. Бу мавсум ҳали кўп ютуқларга эришамиз. 

"Барселона"нинг олтита жамоаси (эркаклар ва аёллар футбол клуби, баскетбол, қўл тўпи, хоккей ва футзал) ўзи иштирок этадиган олти лиганинг амалдаги чемпионидир. Бу жамоа тарихида мисли кўрилмаган натижа. 

Бизда ҳамма охиригача курашади. Ғалаба қозонишимиз ҳам, ютқазишимиз ҳам мумкин. Лекин асло таслим бўлмаймиз!", - деди "Барса" раҳбари.