Jokovich, Nadal, Federer va Marrey bir jamoa tarkibida harakat qiladi

Yaqindagina "Uimbldon"da bosh sovrin egasiga aylanib, "katta dubulg‘a" turkumiga kiruvchi turnirlarning 21 karra g‘olibiga aylangan Novak Jokovich Leyver kubogida ishtirok etadi.

Serbiyalik raketka ustasi Evropa terma jamoasiga kiritildi. U Rafael Nadal, Rojer Federer hamda Endi Marrey bilar bir jamoa bo‘lib harakat qiladi.

"Bu odatda raqib sifatida kortga chiqadigan yigitlar bilan bir jamoada o‘ynashimiz mumkin bo‘lgan yagona turnir. Asosiy raqobatchilarim - Rafa, Rojer va Endi bilan bir jamoa bo‘lish tennis tarixida mutlaqo noyob lahza bo‘ladi"-dedi Jokovich.

Ma’lumot uchun, avstraliyalik afsonaviy tennischi Rod Leyver sharafiga o‘tkaziladigan turnir 23-25 sentyabr kunlari Londonda bo‘lib o‘tadi.