Жокович қийин ғалаба эвазига чорак финалга чиқди

Новак Жокович Австриядаги "Vienna Open" турнирининг навбатдаги босқич ўйинида иштирок этди.

Нимчорак финалда хорватиялик Борна Чоричга қарши кортга чиққан Жокович кейинги босқич чипталарини катта қийинчилик билан қўлга киритди. Дастлабки сет тай-брэкка қадар давом этди ва унда Новак ғалаба қозонди. Руҳий устунликка эришган сербиялик теннисчи кейинги сетни нисбатан осонроқ ютди. Якуний ҳисоб: 7:6(13:11), 6:3.