Жўрабек Каримов бугун кортга чиқади
Умидли теннисчимиз Жўрабек Каримов бугун Қатарда давом этаётган “Фьючерс” туркумига кирувчи мусобақанинг яккалик ва жуфтлик баҳсларининг навбатдаги босқичида кортга чиқади.
Жўрабек яккалик баҳсларида франциялик Максим Хамуни 6:2, 6:4 ҳисобида мағлубиятга учратди ва иккинчи даврада голландиялик Тим Ван Рихтовенга қарши кортга чиқадиган бўлди.
Жуфтлик баҳсларида теннисчимиз ҳиндистонлик Аржун Каде билан тандемда латвиялик Дейвидс Юкса ва россиялик Алексей Ватутин устидан 6:2, 4:6, 10:5 ҳисобида ғалаба қозонди. Энди Жўрабек ва Аржун чорак финалда швециялик Маркус Эрикссон ва Сам Тайлор билан рақобатлашади.
Жўрабек Каримовнинг яккалик баҳсларидаги учрашуви Тошкент вақти билан 17:00да, жуфтлик беллашувларидаги ўйини эса 20:00да бошланади.
Фикрлар