Камолиддин Тожиев "Динамо"га қарши дуранг ҳақида фикр билдирди

Хабарингиз бор, Суперлиганинг 18-туридан ўрин олган баҳсда "Пахтакор" "Динамо" билан куч синашиб, сўнгги дақиқалардаги гол эвазига 1:1 ҳисобида дуранг ўйнади. 
  
"Ўйинни яхши бошладик. Бироқ, яна йўқ жойдан гол ўтказиб юбордик. Кейин йигитлар секинлашиб қолишди. Иккинчи бўлимда охиригача ғалаба учун курашишда давом этдик. Ҳар икки жамоа футбол ўйнашга интилди. 

Бизда имкон бор экан, ҳаракат қилишда давом этамиз. Ўйинимизни кучайтириш учун ўзгаришлар қилдик. Жамоамизга янги келиб қўшилган футболчилар яхши ҳолатга кириб боришмоқда ва тез орада фойда келтиришади, деб ўйлайман", - дея ўз фикрлари билан ўртоқлашди "шерлар" устози. 
  
Маълумот ўрнида, "Пахтакор" бундан аввалги турда ОКМК билан тўқнаш келган ва 1:2 ҳисобида мағлуб бўлган эди.