Kamoliddin Tojiev OKMKdan uchralgan mag‘lubiyatning asosiy sabablari haqida gapirdi

"Paxtakor" mutaxassisi Kamoliddin Tojiev Superliganing navbatdagi turida OKMKdan uchralgan mag‘lubiyat haqida o‘z fikrlari bilan o‘rtoqlashdi. 
 
"Birinchi bo‘limni yomon boshlagan bo‘lsak ham 2 3 ta golli vaziyatlar yaratdik. Ikkinchi bo‘limda 3 ta o‘zgarish qilgan holda, o‘yinga qaytib oldik. Gol ham urdik. OKMK klubi esa 2 standart vaziyatdan foydalangan holda, o‘yin taqdirini hal qildi. Lekin biz bu uchrashuvda 5 ta gol ham ura olar edik". 
 
Asosiy tarkib futbolchilarining o‘yini sizni qoniqtirdimi? 
 
"2 futbolchimizning o‘yini umuman chiqmadi. Lekin bunday vaziyatlar ham bo‘lib turadi". 
 
Xojimat Erkinov nega maydonga tushmadi? 
 
"Unda jarohat bor edi!".  
 
Azizbek Turg‘unboevning chap qanot himoyasidagi o‘yinidan qoniqdingizmi? 
 
"U avval ham bu pozitsiyada ham o‘ynagan edi. Shu sabab, bugun uni u erga qo‘yishga qaror qildik". 
 
Umar Adhamzoda ham tushmadi, bunga sabab nima? 
 
"Unda ham jarohat bor, 10 kun atrofida safga qaytadi" - deya ta’rif berib o‘tdi poytaxtliklar bosh murabbiyi.