Камолиддин Тожиев ОКМКдан учралган мағлубиятнинг асосий сабаблари ҳақида гапирди

"Пахтакор" мутахассиси Камолиддин Тожиев Суперлиганинг навбатдаги турида ОКМКдан учралган мағлубият ҳақида ўз фикрлари билан ўртоқлашди. 
 
"Биринчи бўлимни ёмон бошлаган бўлсак ҳам 2 3 та голли вазиятлар яратдик. Иккинчи бўлимда 3 та ўзгариш қилган ҳолда, ўйинга қайтиб олдик. Гол ҳам урдик. ОКМК клуби эса 2 стандарт вазиятдан фойдаланган ҳолда, ўйин тақдирини ҳал қилди. Лекин биз бу учрашувда 5 та гол ҳам ура олар эдик". 
 
Асосий таркиб футболчиларининг ўйини сизни қониқтирдими? 
 
"2 футболчимизнинг ўйини умуман чиқмади. Лекин бундай вазиятлар ҳам бўлиб туради". 
 
Хожимат Эркинов нега майдонга тушмади? 
 
"Унда жароҳат бор эди!".  
 
Азизбек Турғунбоевнинг чап қанот ҳимоясидаги ўйинидан қониқдингизми? 
 
"У аввал ҳам бу позицияда ҳам ўйнаган эди. Шу сабаб, бугун уни у ерга қўйишга қарор қилдик". 
 
Умар Адҳамзода ҳам тушмади, бунга сабаб нима? 
 
"Унда ҳам жароҳат бор, 10 кун атрофида сафга қайтади" - дея таъриф бериб ўтди пойтахтликлар бош мураббийи.