Kamoliddin Tojiev: O‘yin boshidan xushyorlikni yo‘qotgan bo‘lishimiz mumkin, lekin ...

Xabar berganimizdek, "Paxtakor" OFK Elit Chempionlar ligasi 2-tur uchrashuvini safarda Eronning "Persepolis" klubiga qarshi o‘tkazdi va 1:1 hisobida durang qayd etdi. Uchrashuvdan so‘g "sherlar" murabbiyi Kamoliddin Tojiev o‘z fikrlarini bildirib o‘tdi.

"Bahs boshidagi qo‘pol xato tufayli gol o‘tkazib yubordik. O‘yin boshidan xushyorlikni yo‘qotgan bo‘lishimiz mumkin, lekin shundan so‘ng bahsni nazorat qildik. 3-4ta yaxshi vaziyatlarga ega bo‘ldik, hisobni tenglashtirishga erishdik. Kechagi matbuot anjumanida ham aytib o‘tgandim, "Persepolis"ni juda yaxshi tahlil qilgandik. Eronga ijobiy natija uchun kelgan edik.
OFK Elit Chempionlar ligasining formati haqida gapiradigan bo‘lsam, ushbu tizim biz va boshqalarga ko‘proq tajribaga ega bo‘lish imkonini beradi".