Камолиддин Тожиев: "Ёмон ўйин кўрсатмадик, ўйинчилар борини бериб ўйнашди"

“Пахтакор” клуби Суперлиганинг 8-турида ўз майдонида “Динамо”ни қабул қилди. Голларга бой ўтган қизиқарли учрашувда “Шерлар” рақибини 4:2 ҳисобида мағлубиятга учратди. Учрашувдан кейин мезбонлар бош мураббийи Камолиддин Тожиев матбуот анжуманида қатнашди.

- Ўйинни яхши бошладик, тезкор иккита гол урдик. Кейин хотиржамликка берилиб, иккита хатоимиздан иккита гол ўтказдик. Биринчи бўлим қизиқарли ўтди. Иккинчи бўлимда пенальтидан гол уриб ҳисобда яна олдинги чиқиб олдик ва кейин тўртинчи тўпни ҳам киритиб ғалабага эришдик. Ёмон ўйин кўрсатмадик. Ўйинчилар ҳам борини бериб ўйнашди, ҳаммага раҳмат.

- Иккинчи бўлимда ўйинчи алмаштиришга кеч қолмадингизми?

- Ўйинчи алмаштириш учун сабаб бўлиши керак. Ҳамма ўз жойида хатосиз ўйнаганига шошилмаяпмиз. Ўйинчи алмаштиришда шошилиб ўйинни бузиб қўйиш ҳам ҳеч гап эмас.

- 2:0 дан кейин "Динамо" 10 дақиқа ичида иккита гол урди...

- Озгина хотиржамликка берилдик. Ўзимизни тўпни йўқотдик ва рақиб икки марта марта бирга-бир чиқиб кетди.