"Камп Ноу" реконструкцияси "Барселона"га яна 300 миллион еврогача қимматга тушиши мумкин

"Камп Ноу" реконструкцияси "Барселона"га белгиланган миқдордан қимматга тушади. "Diaro SPORT" нашри "Барселона" мухлисларини бироз хафа қиладиган янгиликни эълон қилди. 
 
Маълум бўлишича, "Камп Ноу" стадионини қайта қуриш каталонияликларга дастлаб режалаштирилганидан анча қимматга тушади. Қўшимча харажатлар 200–300 миллион евро атрофида бўлиши кутилмоқда. 

Дастлабки бюджет 1,45 евро миллиардни ташкил қилган, аммо кечикишлар ва кутилмаган ҳолатлар туфайли бу миқдор ошиб кетган. Клуб ушбу харажатларни ўз ҳисобидан ёпади ва реконструкциясига масъул "Limak" қурилиш компаниясига даъво қилмайди.