Каннаваро Португалиядан очко тортиб олишнинг ягона йўлини айтди

Хабарингиз бор, Фабио Каннаваро бошқарувидаги Ўзбекистон терма жамоамиз Жаҳон чемпонатининг 2-турида Португалияга қарши майдонга тушади. Ушбу беллашувдан аввал ташкил этилган матбуот анжуманида жамоамиз мураббийи иштирок этиб, эртанги ўйин ҳақида фикр билдирди.

— Рақибимиз Жаҳон чемпионатидаги энг кучли жамоалардан бири ҳисобланади. Агар Португалия жамоасини таҳлил қилиб кўрсангиз, уларнинг қанотларда жуда кучли футболчилари бор, дунёнинг энг яхши ярим ҳимоя чизиқларидан бирига эга, шунингдек футбол тарихидаги энг яхши футболчиларидан бири ҳам шу жамоада ўйнайди.

Шундай экан, бу осон ўйин бўлмайди. Лекин биз Жаҳон чемпионатидамиз, жамоа сифатида ҳаракат ва меҳнат қилишимиз зарур. Чунки ижобий натижа билан майдонни тарк этишнинг ягона йўли шу.

Маълумот ўрнида, бугунги беллашув Тошкент вақти билан 22:00’да старт олади