Kante APLga qayta oladimi?

"Evro-2024"dagi o‘yini bilan hali ham top darajada ekanligini barchaga eslatib qo‘ygan N'Golo Kante uchun bir nechta Evropa klublari kurashga kirishdi. Ayni paytda yarim himoyachini o‘z tarkibiga qo‘shib olish uchun jiddiy harakat qilayotgan klub bu "Vest Xem"dir. 

Fabritsio Romano xabar berishicha, "Al-Ittihod" Kanteni qo‘yib yubormoqchi emas. Yaqindagina jamoaga bosh murabbiy bo‘lgan Laurent Blank ham frantsuzni qolishini istaydi va loyihani u bilan davom ettirishni reja qilgan. 

Avvalroq, 33 yoshli futbolchiga "Vest Xem" qiziqish bildirayotgani borasida xabar bergan insayderning Uil Anvin ma’lum qilishicha, N'Golo APLga qaytishga tayyor. U "bolg‘achilar" bilan kelishib olishi qiyin bo‘lmaydi. Transfer esa 20 million funt sterlingga amalga oshishi mumkin. 

Xulen Lopetegi uzoq vaqtdan beri Kanteniing muxlisi hisoblanadi. U "Real"da ishlab yurgan paytida ham yarim himoyachi bilan shartnoma imzolashga urinib ko‘rgan. 

2015 yili "Lester"ga o‘tib, 8 yil Premer-ligada to‘p tepgan futbolchi "tulkilar" bilan APLni qo‘lga kiritgan bo‘lsa, "Chelsi"da Chempionlar ligasi va Evropa ligasi g‘olibiga aylangan. Endi u yana ushbu chempionatga qaytishni istamoqda, lekin Saudiya klubini ko‘ndirish qiyin masala.