Karate WKF bo‘yicha O‘zbekiston kubogi start oldi yoxud Mahmud Muradov yosh karate ustalari bilan uchrashdi

16-19 sentyabr kunlari Toshkent shahrida karate WKF  bo‘yicha  O‘zbekiston kubogi bahslari bo‘lib o‘tadi. 

Mazkur turnir barcha vazn toifalarida o‘tkazilib, unda  7 -18 va +18 yoshlilar ishtirok etadi. Musobaqa poytaxtimizdagi “Universal” sport majmuasida tashkillashtirilmoqda. Bugun ushbu turnir start oldi.

Turnirning ilk kuni yurtimizning mashhur MMA jangchisi, UFC promoushenidagi birinchi o‘zbekistonlik yakkakurash ustasi Mahmud Muradov ham kubok bahslariga tashrif buyurib, federatsiya rahbari Alam Mullaev bilan birgalikda yosh karate ustalari bilan uchrashdi va o‘ziga xos maslahatlari bilan o‘rtoqlashdilar.

Albatta, turnir natijalarini ham muntazam yoritib boramiz. Voqealar rivojini bizda kuzatib boring!