Каратэчиларимиз Австриядан қайтиб келишди

Олимпия ўйинлари дастурига киритилган каратэнинг WKF йўналишига бўлган қизиқиш ҳар қачонгидан ҳам ортиб бормоқда. Ўз навбатида, терма жамоамиз аъзолари ҳам кўплаб халқаро турнирларда иштирок этиб, муносиб ўринларни қўлга киритишаётир. 

Ўтган ҳафта Австиянинг Зальцбург шаҳри мезбонлик қилган галдаги турнир каратэчиларимиз учун омадли келди. Жаҳонда ўз рейтингида етакчилардан бири бўлиб турган Садриддир Сайматов (-60 кг) барча рақибларини мағлуб этиб, олтин медални қўлга киритган бўлса, Иқбол Узоқов 69 килограммгача бўлган каратэчилар баҳсида кумуш медалга сазовор бўлди. Қизларимидан Баҳринисо Бабаева эса шоҳсупанинг учинчи поғонасига кўтарилди. 

Бироз аввал ушбу мусобақада иштирок этган вакилларимиз Тошкентга келишди. Бироқ пойтахтимизга Садриддин ҳамда Баҳринисо, қолаверса, уларнинг мураббийлари кейинроқ қайтадиган бўлди. Боиси улар Словения ҳамда Голландияда яқин кунлар ичида рейтинги энг юқори бўлган спортчилар ўртасида ўтказилувчи мусобақаларда иштирок этиб келадилар.