Карл III мағлубиятдан сўнг Англия футбол терма жамоасини миллат ифтихори деб атади

Буюк Британия қироли Карл III Англия терма жамоаси футболчилари бутун мамлакатни улар билан фахрланишга мажбур этганини таъкидлади.

"[Англия терма жамоаси сардори] Харри [Кейн] ва бутун жамоага ҳамдардман. Бугун сиз, уч шер (Англия терма жамоасининг лақаби – таҳр.) эҳтимол, мағлубият дардини бошдан кечираётган бўлсангиз-да, барибир миллат ифтихори бўлиб қоласиз. Ишончим комилки, яна майдонга қайтиб, янада кучлироқ бўлиб намоён бўласиз", — дейилади қироллик оиласи томонидан ижтимоий тармоқ X орқали эълон қилинган баёнотда.

15 июль кечқурун Аргентина терма жамоаси Англияни 2:1 ҳисобида мағлуб этиб, жаҳон чемпионати финалига йўл олди. Амалдаги жаҳон чемпиони ҳисобланган Аргентина 19 июл куни финалда Испания терма жамоасига қарши майдонга тушади. Учрашув АҚШнинг Нью-Джерси штати, Ист-Ратерфорд шаҳрида жойлашган "Метлайф" стадионида бўлиб ўтади.