Карло Анчелотти: "Муаммо уларда эмас"

Карло Анчелотти "Реал Мадрид"нинг ҳужумкор ўйинчиларининг ишига юқори баҳо берди.

"Жамоанинг мақсади компакт равишда ҳаракат қилиш. Агар Винисиус, Мбаппе ва Родриго прессинг қилишга уринса-ю, ярим ҳимоячиларимиз ва ҳимоячиларимиз юқорига кўтарилмаса, муаммо мана шу учликда бўлади дегани эмас.

Улар ҳимояда ишлашлари керак демайман. Аммо ҳужум ва ярим ҳимоя ўртасидаги фарқни бироз қисқартиришимиз керак. Тушундимки, номутаносиблик ҳужумкор ўйинчиларимизнинг ҳимояда ишламаслиги билан боғлиқ деб ўйлайсиз. Лекин бундай эмас. Чунки мен улардан ярим ҳимоячи ва ҳимоячи вазифаларини бажаришни сўрамаяпман", — деди "Реал Мадрид" бош мураббийи.