Карпин: Россия ва Ўзбекистон савия жиҳатдан тенгдир

Россия терма жамоаси бош мураббийи Валерий Карпин жамоасининг ҳозирги савияси ҳақида гапирди.

“Биз Ўзбекистон ва Тожикистондан кучли эмасмиз, уларнинг савияси биз билан тенг. Масалан, мен Мальта ва Кипр ҳақида ҳам шундай деган эдим. Биз кучлироқ ҳам, кучсиз ҳам эмасмиз. Ушбу жамоалар биздан кам ўйин кўрсатмайди деб ўйлайман", - деди Карпин.

Эслатиб ўтамиз, ноябрь ойида Россия терма жамоаси иккита ўртоқлик учрашуви ўтказади. 17 ноябрь куни Валерий Карпин шогирдлари Душанбеда Тожикистонга, 20 ноябрь куни эса Тошкентда Ўзбекистонга қарши баҳс олиб боради.

Эслатиб ўтамиз, санкциялар остида Россия терма жамоаси фақат ўртоқлик ўйинлари ўтказиши мумкин.