Карвахаль Месси ва Роналдунинг фарқини айтди

"Реал"нинг испаниялик ҳимоячиси Даниэл Карвахаль Саудия Арабистонининг "Ан-Наср" клуби ҳужумчиси Криштиану Роналду ва "Интер Майами" форварди Лионель Месси ўртасидаги фарқ нимада эканлигини айтди. Роналду аввал "Реал"да ўйнаган, Месси узоқ вақт Каталониянинг "Барселона" клуби футболчиси бўлган.

"Месси - кўп вазиятлар яратадиган футболчи. У майдонни жуда яхши кўради, тўпни ажойиб назорат қилади ва ажойиб узатмаларни амалга оширади.

Лионель бўш ҳудудларни топа олади, Роналдунинг афзаллиги эса рақиб жарима майдонига тезликда ёриб киришда", - дея Карвахалнинг сўзларини келтиради Barca Worldwide Х ижтимоий тармоғида.