Карвахаль: "Реал"дан кейин ҳеч қандай Европа клубига ўтмайман"

"Реал Мадрид" ва Испания терма жамоасининг ўнг қанот ҳимоячиси Дани Карвахаль испан клубидан ташқаридаги келажаги ҳақида ўз фикрлари билан ўртоқлашди.

- "Реал"дан кейин ҳеч қайси Европа клубига бормайман, сизга кафолат бераман, - дея Карвахалнинг сўзларини келтирди "MARCA" нашри.

Эслатиб ўтамиз, ўтган мавсумда Карвахаль барча турнирларда 43 та ўйинда қатнашиб, 7 та гол ва 5 та голли узатмага муаллифлик қилган. Футболчининг клуб билан амалдаги шартномаси 2025 йилнинг ёзига қадар мўлжалланган. Трансфермаркт порталида берилган маълумотларга кўра, ҳимоячининг нархи 12 миллион еврони ташкил қилади.