Кайл Уокер: "Аргентиналиклар ақлли ўйнашди"

Англия терма жамоасининг собиқ ҳимоячиси Кайл Уокер 2026 йилги жаҳон чемпионати ярим финалида Аргентинага қарши учрашув (1:2)дан кейин рақиб жамоа ўйин давомида тактик усулларни жуда моҳирона қўллаганини таъкидлади. 

Унинг фикрича, Жанубий Америка вакилларининг ўйин услуби олдиндан ўйлаб қўйилган бўлиб, учрашув тақдирини ўз фойдаларига ўзгартиришга ёрдам берган.

«Улар ақл билан ўйнашди — майда қоидаларни бузиш, кечикиб кирилган жарималар, орқадан туриб урилишлар. Нима қилаётганини жуда яхши билишади. Майдонда ўзларини жуда ҳийлакор тутдилар», — дея Уокернинг сўзларини келтиради The Sun нашри.

Учрашувда ҳисобни Англия биринчи бўлиб очди, бироқ иккинчи бўлимда икки гол ўтказиб юборди ва финалга чиқиш имкониятини қўлдан бой берди. Эндиликда Аргентина ҳал қилувчи баҳсда Испанияга қарши майдонга тушади. Англия эса учинчи ўрин учун Франция билан куч синашади.