Каземиро: "Баъзида у менга Криштиану Роналдуни эслатади"

“Манчестер Юнайтед” ярим ҳимоячиси Каземиро ҳозир дунёнинг энг яхши футболчиси ким эканини айтди.

"Айни дамда Килиан Мбаппе энг яхшиси. У жуда ақлли ва тезкор футболчи. Баъзида у менга Криштиану Роналдуни эслатади. Яна ким 38 ёшда 50 та гол уриши мумкин? Криштианунинг жаҳон футболига қўшган ҳиссасини баҳолаш қийин", - дея бразилиялик ярим ҳимоячининг сўзларини келтиради "El Chiringuito" нашри.

Мавсум якунида Мбаппе ПСЖни тарк этиб, эркин агент сифатида "Реал"га ўтиши хабар қилинганди. 25 ёшли футболчи "қироллик клуби" билан 5 йиллик шартнома имзолайди.