Каземиро: "Бэйл Роналдудан кўра универсалроқ эди"

Каземиро собиқ жамоадошлари — Гарет Бэйл ва Криштиану Роналдуни таққослаб, фикр билдирди.

"Криштиану гол уради, у ҳар мавсум камида 15 та гол муаллифи бўлади. Лекин Бэйл ҳужум қилади, ҳимояланади, бош билан гол уради ва жарима зарбаларини ҳам ижро этади.

Криштиану — энг яхшиси. У алоҳида даражадаги футболчи ва уни бу суҳбатдан ташқарида кўриш керак.

Аммо мен учун Бэйл — энг яхши ва универсал ўйинчи. Чунки у ҳужум қилади, ҳимояланади, бош билан гол уради, стандарт вазиятларни бажаради. У барчасини жуда яхши амалга оширади, жуда тезкор ва ниҳоятда кучли эди.

Мен учун Бэйл — ғайриоддий футболчи", — деди Каземиро Рио Фердинанд подкастида.