Каземиро ҳеч қайси интервьюда айтмаган воқеани айтиб берди

“Реал Мадрид”нинг собиқ футболчиси ҳисобланган Каземиро 2016 йилдаги ЕЧЛ финалидан сўнг бир қизиқ воқеа ҳақида гапириб берди. 
 
"Мен шу пайтгача ҳеч қайси интервьюда айтмаган нарсани айтмоқчиман. Миландаги 2016 йилги Чемпионлар лигаси финалидан кейин биз ғалабани кийиниш хонасида нишонладик. Ушбу пайт Лука Модрич барчага - дўстлар, биз яна 2 та ЙЧЛни ютишимиз керак, деди. 
  
Биз унга - Лука биз Лиссабондаги финални ҳам ютдик, иккита ЧЛни ҳам қўлга киритдик, деб жавоб бердик. Шунда у - йўқ, йўқ. Биз ушбу буюк жамоа билан яна камида иккита ЕЧЛни ютишимиз мумкин ва бу имконсиз эмас, деди. Сўнгра биз Кардифф ва Киевда бўлиб ўтган финалларда муваффақиятга эришиб, Модрич билан кетма-кет яна 2 та кубокни бошимиз узра кўтардик” – деди бразилиялик ярим ҳимоячи “АS” нашрига берган интервьюси давомида. 
 
Маълумот ўрнида, 32 ёшли футболчи “қироллик клуби” сафида 336 та беллашувда иштирок этиб, 31 та гол ва 29 та голли узатмага муаллифлик қилган.