Каземиро Роналдунинг фикрини ўзгартирди

“Манчестер Юнайтед” марказий ҳужумчиси Криштиану Роналду “қизил иблислар” сафини тарк этиш ҳақидаги фикрини ўзгартирди. 37 ёшли португалияликнинг қарори бразилиялик ярим ҳимоячи Каземиро "Олд Траффорд" эгалари сафига ўтганидан кейин ўзгарган.

Журналист Педро Алмейда ўзининг ижтимоий тармоқдаги саҳифаларида хабар қилишича, Криштиану бундай трансфердан мамнун ва бу мавсумни "Манчестер Юнайтед"да ўтказишга тайёр.

Аввалроқ, португалиялик юлдуз "қизил иблислар" Чемпионлар лигасида қатнаша олмагани учун бошқа жамоага ўтмоқчи эканлиги ҳақида хабарлар тарқалган эди.

“Манчестер Юнайтед” янги мавсумни “Брайтон” (1:2) ва “Брентфорд”га (0:4) имкониятни бой бериб, Премьер лигани омадсиз бошлади.

Фикрлар

Фикр қолдириш учун авторизациядан ўтинг!