Кечаги ўйинда Элдор Шомуродовдан фақат бир жамоадоши кўп балл олди

Элдор Шомуродов ҳаракат қилаётган "Женоа" клуби Италия А Серияси 25-туридан ўрин олган учрашувни "Сампдория"га қарши ўтказди. "Луижи Феррарис" стадионида бўлиб ўтган баҳс 1:1 ҳисобида якунланди.

Мезбонларнинг голига Заппакоста муаллифлик қилган бўлса, меҳмонлар вакили Лоренцо Тонелли ҳисобни тенглаштирди. Ўйин якунига қадар дарвозаларга бошқа тўп киритилмади.

Легионеримиз учрашувни асосий таркибда бошлади ва 82 дақиқа ҳаракат қилди. Италиянинг машҳур "La Gazette dello Sport" нашри ҳамюртимизнинг майдондаги ҳаракатларини 6,5 баллга баҳолади. Ушбу кўрсаткич бўйича у жамоадошлари орасида фақат Заппакостадан ортда қолди, холос.