Келишув ҳал бўлди: Месси “Барса”да яна беш йил ўйнайди!

“Барселона” раҳбарияти жамоа етакчиси Лионель Месси билан янги шартнома бўйича келишувга эришди, - деб хабар бермоқда Diario Sport нашри.

Томонлар ҳамкорликни беш йилга узайтирадиган бўлди. Аввалроқ, аргентиналик ҳужумчи яна икки мавсум ўйнаши режалаштирилган эди. Бироқ, Месси клуб хўжайинларини юқори савияда яна беш йил ўйнай олишига ишонтирди.

Ўз навбатида, Лео маошининг тенг ярмига қисқартирилишига рози бўлди. У биринчи навбатда, клубнинг молиявий қийин аҳволда эканини инобатга олди ва жамоадошларига шахсий намуна кўрсатишга қарор қилди.

“Барселона” Месси билан шартнома тузганлигини июль ойининг охирида расман эълон қилмоқчи. Ҳозирча, клуб юристлари янги битим шартларини ўрганиб чиқмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию