Кевин де Брюйне: “Сити”нинг қарори мени шокка туширди!

“Манчестер Сити” юлдузи Кевин де Брюйне жорий мавсум якунланиши билан қадрдон жамоасини тарк этиши ҳал қилинган масала.

Бельгиялик машҳур плеймейкер клуб раҳбариятининг у билан хайрлашишга қарор қилганини эшитиб, қай аҳволга тушганини очиқ айтди.

- Шок бўлдим. Бутун йил давомида мен клубдан ҳеч қандай таклиф олганим йўқ ва охирида мутасаддилар мана шундай қарорга келганини айтишди.

Тўғриси, бундан ҳайрон қолдим, лекин кўникишимга тўғри келди. Очиғини айтсам, мен ҳали ҳам ҳозиргидек юқори даражада ўйнай оламан, деб ҳисоблайман. Лекин қарор қабул қилиш клубнинг ваколатида эканини ҳам тушунаман, - деди Кевин де Брюйне.

33 ёшли футболчи 4 апрель куни мавсум якунланиши билан “Манчестер Сити”ни тарк этишини эълон қилди. Орадан икки кун ўтиб, бош мураббий Хосеп Гвардиола бу ўйинчининг эмас, клуб раҳбарияти қарори эканини таъкидлади.