Кевин де Брюйне трансфери расман эълон қилинди

“Манчестер Сити”да ўн йил тўп тепиб, олти маротаба Англия чемпионлигига эришган Кевин де Брюйне эркин агент сифатида бошқа клубга кўчиб ўтди.

“Шаҳарликлар” билан хайрлашган 33 ёшли футболчи фаолиятини А Серияда давом эттирадиган бўлди. Италия чемпиони “Наполи” ижтимоий тармоқлардаги расмий саҳифаси орқали бельгиялик плеймейкернинг трансферини эълон қилди.

Италия матбуоти машҳур футболчи неаполликлар билан икки йиллик шартнома имзолагани ҳақида ахборот тарқатган эди.

Кейин шартнома бўйича ҳар йили 5 миллион евродан маош олади.

Кевин де Брюйне янги жамоа топиш учун “Манчестер Сити” сафида клублар ўртасидаги жаҳон чемпионатида иштирок этиш имкониятидан воз кечди.