Кейн Германияда Санчонинг рекордини янгилади

“Бавария” ҳужумчиси Харри Кейн Германия Бундеслигасининг 4-турида “Вердер”га қарши ўйинда (5:0) гол урди. Шу тариқа Кейн Германия чемпионатидаги голлари сонини 41 тага етказиб олди ва Бундеслига тарихидаги энг яхши англиялик тўпурарга айланди. Бу ҳақда Goal нашри хабар бермоқда.

Кейнга қадар Бундеслигадаги энг яхши инглиз тўпурари Дортмунднинг «Боруссия»сида ўйнаган қанот ҳужумчиси Жейдон Санчо бўлган. У 118 ўйинда 40 та гол урган. Айни пайтда Кейн 36 учрашувда 41 та гол уришга муваффақ бўлди.

Харри Кейн "Бавария" сафига 2023 йилнинг ёзида кўчиб ўтган эди. Трансфермаркт порталида берилган маълумотларга кўра, футболчининг айни дамдаги бозор қиймати 100 миллион еврони ташкил қилади.