Кейн гранд клуб таклифига жавоб берди: Ҳозир мени безовта қилманг!

«Барселона» раҳбарияти жамоа ҳужум чизиғини кучайтириш мақсадида Мюнхеннинг «Бавария» клуби ҳужумчиси Ҳарри Кейнни ўз сафида кўришдан манфаатдор экани маълум бўлди.

Daily Mail нашри ёзишича, Англия терма жамоаси таркибида ўйнаётган 32 ёшли футболчининг вакиллари каталонияликлардан қўнғироқ қабул қилган. 

Бироқ Кейннинг атрофидаги жамоа ҳозирча аниқ музокараларга киришишни истамаган. Шу боис «Барселона» раҳбарияти бу масалани келаси ойгача қолдиришга қарор қилган. Ҳозирча футболчининг ўзи бутун диққат-эътиборини жаҳон чемпионатига қаратган.

Шунга қарамасдан, Ҳарри Кейн «Барселона» учун асосий трансфер мақсадларидан бири бўлиб қолмоқда. У орқали жамоа таркибини тарк этган Роберт Левандовскининг ўрнини тўлдириш режалаштирилган. 

Кейннинг «Бавария» билан амалдаги шартномаси яна бир йилдан сўнг якунланади. Аммо нашр манбаларига кўра, жаҳон чемпионати тугагач, томонлар ўртасида шартномани узайтириш бўйича музокаралар бошланиши кутилмоқда.