Кейн Месси уни хафа қилганини айтиб берди

Германия чемпиони “Бавария” клуби ва Англия миллий терма жамоаси юлдузи Ҳарри Кейн рақиблар билан футболка алмашиш ҳақида фикр билдирди. Ундан футболчиларнинг футболка алмашишига муносабатини сўрашди.

- Агар кимдир менга футболка алмашишни таклиф қилса, албатта алмашаман. Карьерам давомида мен фақат бир неча ўйинчидан футболка алмашишни сўраганман холос.

Булар Уэйн Руни, Криштиану Роналду ва Лионель Месси. Руни ва Роналду футболкаларини берди, лекин Мессидан олиш насиб этмади, — деди Кейн.

Янги мавсумнинг биринчи расмий ўйинини «Бавария» 16 августда Германия Суперкубоги доирасида “Штутгарт”га қарши ўтказади.