Кейн рекорд ўрнатди

Бундеслиганинг 5-турида "Бавария" ўз уйида "Вердер"ни йирик 4:0 ҳисобида мағлуб этди. Ушбу беллашувда мюнхенликлар аъзоси Харри Кейн дубли муаллифига айланди ва Европа "Топ-5" лигаларида бир клуб сафида энг тез 100 та гол урган футболчи сифатида тарихга кирди.

Ҳужумчи 104 та ўйинда 100 та гол киритиб, рекорд ўрнатди. Унга қадар Криштиану Роналду ("Реал Мадрид") ва Эрлинг Холанд ("Манчестер Сити") бу 100 голлик маррани забт этиш учун 105 та баҳсда майдонга тушишган эди.

Маълумот учун, англиялик футболчи Германия чемпионатида 68 та беллашувда иштирок этиб, ўз ҳисобига 72 та голни ёздириб қўйди.