Кейн рекорд ўрнатишни "ёриб" ташлади

Ҳарри Кейн Чемпионлар Лигаси тарихида янги рекорд ўрнатди.

“Бавария” ҳужумчиси Ҳарри Кейн Чемпионлар Лигаси тарихида турли рақибларга қарши энг кўп гол урган инглиз футболчисига айланди. Бу борада Кейн “Манчестер Юнайтед” афсонаси Пол Скоулзни орта қолдирди.

Яқинда бўлиб ўтган “Интер”га қарши сафар ўйинида Кейн жамоасининг иккинчи голига муаллифлик қилди ва турнир доирасида 21 хил рақиб жамоага гол урган футболчи бўлди.

Аввалги рекорд Пол Скоулзга тегишли бўлиб – у фаолияти давомида 20 та жамоа дарвозасини ишғол қилган.

Шу тариқа, Кейн жорий мавсумдаги 35-голини урди. Ўтган мавсум бошидан бери у Европанинг кучли бешлик чемпионатлари орасида барча мусобақаларда энг кўп гол урган (79) ва энг кўп голда иштирок (101) этган футболчи бўлиб турибди.