Кейн трансфери учун дастлабки қадам ташланди

Daily Mail нашри инсайдери Крейг Хоупнинг хабар беришича, Испаниянинг амалдаги чемпиони “Барселона” клуби Англия терма жамоаси сардори Ҳарри Кейнни трансфер қилиш имкониятини ўрганмоқда.

Манбага кўра, каталонияликлар вакиллари эҳтимолий трансферни муҳокама қилиш учун ҳужумчининг атрофидагилар билан алоқага чиққан.

Қайд этилишича, Кейннинг “Бавария” билан шартномаси яна бир йил амал қилади. Футболчининг ўзи Германияда ўзини жуда яхши ҳис қилмоқда ва ҳозирча асосий эътиборини Мюнхен клуби билан шартномани узайтиришга қаратган.

Шу билан бирга, “Барселона” жаҳон чемпионати тугагач, агар трансфер шартлари қулайлашса, ушбу масалага яна қайтишга тайёр.

Манба таъкидлашича, ҳозирча гап музокараларнинг якуний босқичи ҳақида эмас, балки эҳтимолий битимни дастлабки ҳолатини ўрганиш ҳақида кетмоқда.