Ким нима деса, десин! Месси танқидчиларга қаттиқ жавоб берди

Аргентина терма жамоаси ҳужумчиси Лионель Месси жамоанинг навбатдаги муваффақияти ва шу фонда янграётган танқидларга муносабат билдирди.

Сўнгги пайтларда жамоатчилик орасида ФИФА Аргентинага ҳаддан ташқари ёрдам бераётгани, бу эса жамоага жаҳон чемпионатида қўл келаётгани ҳақида фикрлар кўпайган. 

Амалдаги жаҳон чемпионлари ярим финалда Англияни 2:1 ҳисобида мағлуб этди ва иккинчи марта кетма-кет чемпион бўлиш учун фақат бир қадам қолди.

- Жамоамиз қилаётган иш – ақлбовар қилмас нарса. Бешта финал. Биз ўтган жаҳон чемпионатида ғолиб бўлдик, тўрт йил давомида энг кучли жамоа бўлиб келдик ва яна финалда турибмиз. 

Ким нима демасин, кимни қанчалик ранжитмасин, биз барчасига характеримиз ва ўйинимиз ҳисобига эришяпмиз. Майдонда ҳеч нарса ўз-ўзидан бериб қўйилмайди, – деди Месси интервьюсида.

39 ёшли Аргентина терма жамоаси сардори ярим финалда икки голли узатма муаллифига айланди ва учрашувнинг энг яхши ўйинчиси деб топилди.

19 июль куни бўлиб ўтадиган финалда Аргентина Испания терма жамоасига қарши майдонга тушади.