Кларесса Шилдс: "Мен Жейк Полни ер тишлатаман"

Бокс бўйича америкалик жаҳон чемпиони Кларесса Шилдс (15-0, 3 KO) ҳамюрти Жейк Пол (11:1) билан эҳтимолий жанг ҳақида гапирди.

“Бунинг иложи борми, билмайман, бироқ мен Жейкни ер тишлатишим рост ва бунга қўшилмайдиганлар боксни умуман тушунмаганлардир. Кимдир блогер иккита Олимпия олтин медали ва бир нечта профессионал унвонларга эга бўлган аёл боксчини мағлуб этиши мумкин, деб ўйлаши мен учун жуда ғалати. Полнинг маҳорати етарли эмас. У кўпроқ машқ қилиши керак. Ростини айтсам, мен тез орада жанг қиладиган қиз Даниэлла Перкинс ҳам Жейкни енга олади” – деди Шилдс.

Эслатиб ўтамиз, Жейк Пол охирги жанггида бокс афсонаси Майк Тайсон устидан очколар эвазига ғалаба қозонганди.