Клопп: Бу футболчидан зўри йўқ!

“Ливерпуль” бош мураббийи Юрген Клопп ўз фаолияти давомида бирга ишлаган энг кучли футболчи ким эканини айтди.

- Энг зўри Роберт Левандовски. Аслида ундан бошқа футболчининг номини тилга олиш адолатсизлик бўлади. У ўз салоҳиятини қандай очгани, ҳозирги даражасига етиш учун нималар қилганларини таърифлашга сўз ожиз, - деди Юрген Клопп.

Кейинги йилларда “Бавария”нинг асосий тўпурарига айланган польшалик ҳужумчи Юрген Клопп қўл остилда “Боруссия”да тўп тепган.

Яқинда “Ливерпуль” ёзда Левандовскини трансфер қилишни режалаштираётгани ҳақида хабарлар тарқатилган эди.