Клублар ўртасидаги ЖЧ. Илк финалчи номи маълум бўлди

Клублар ўртасидаги ЖЧ ярим финал босқичида "Фламенго" - "Ал-Ҳилол" тўқнашувига гувоҳ бўлдик. Жанговар тарзда ўтган ўйинда риёдликлар 3:2 ҳисобида ғалаба қозонди.

Дастлаб, Ал-Довсари 4-дақиқада ҳисобни очган бўлса, 20-дақиқада Педро имкониятларни тенглаштирди. Биринчи бўлим сўнгида Бразилия клуби футболчиси Жерсон жарима майдончаси ичида қўполлик ишлатиб, қизил карточкага лойиқ кўрилди. Шу билан биргаликда, рефери "Фламенго" дарвозасига  пенальти белгилади. Ал-Довсари 11 метрлик жарима зарбасини аниқ амалга оширди ва клубини олдинга олиб чиқди. 70-дақиқада Вьетто ҳам рақиб дарвозасини ишғол қилиб, орадаги фарқни иккитага етказиб қўйди. Учрашув тугашига кам қолганида Педро гол уриб, дубль қилишга муваффақ бўлди. Ҳисоб 2:3.

Шу тариқа, "Ал-Ҳилол" клублар ўртасидаги ЖЧ финалига йўл олди. Уларнинг кейинги рақиби "Ал-Аҳли" - "Реал" Мадрид баҳсида аниқланади.